Tónleikahald

Haldnir eru um 170 tónleikar á ári af ýmsum toga.

Nemendatónleikar eru haldnir reglulega allt starfsárið og sérstakir tónleikar fyrir nemendur framhaldsdeildar u.þ.b. einu sinni í mánuði.

Tónfundir hjá einstökum kennurum eða hópi kennara

Útskriftartónleikar í Suzukideild

Deildartónleikar, t.d. tónleikar píanódeildar, blásaradeildar eða gítardeildar.

Tónleikar í lok haustannar: Strengjasveitatónleikar, tónleikar gítarsveitanna, jólatónleikar Suzukideildar, forskólatónleikar, jólatónleikar í Fella- og Hólakirkju, jólatónleikar í Hörpuhorni, tónleikar rytmadeildar, kammermúsíktónleikar  og tónleikar framhaldsdeildar

Tónleikar í þemaviku í febrúar - tvennir til þrennir tónleikar á dag á Engjateigi og í Hraunbergi þar sem allir nemendur skólans koma fram. Nýtt þema er valið á hverju ári.

Úrvalstónleikar fyrir Nótuna. Tvennir tónleikar þar sem dómnefnd velur hvaða atriði taka þátt í svæðistónleikum Nótunnar í Reykjavík

Strengjasveitatónleikar á vorönn þar sem fram koma fjórar strengjasveitir.

Gítarsveitatónleikar þar sem fram koma fjórar gítarsveitir skólans.

Vortónleika rytmadeildar þar sem fram koma hljómsveitir í rytmadeildinni.

Vorprófstónleikar í framhaldsdeild í apríl, 4-5 tónleikar fyrir píanó, strengi, gítar og blásara.

Dagur Tónskólans í maí,  u.þ.b. 12 tónleikar haldnir á sama degi í Hraunbergi, Gerðubergi og Fella- og Hólakirkju. Þar koma fram flestir hljóðfærahópa skólans og stór hluti nemenda í skólanum.

Vortónleikar fyrir nemendahóp hvers kennara.